|
|
الله واحد مالو ثان
القصه قصه انساني
عاشت في قديم الزمان
وأولها كان يا مكان
كان إلها أربع صبيان
محمد واحمد وغسان
وأصغرهم إسمو عدنان
لما كبروا هالصبيان
شاهدوا غدر اللئام
وسألوا امهم يا يما
ليش ما إلنا بستان؟
وينو أبونا يا يما؟
قلتيلنا انه رجعان
وليش منسكن بالخيمه؟
من دون كل الجيران
قالت امهم يا ولادي
كان إلنا أجمل بستان
حرثو أبوكم بدراعه
زرع العنب والرمان
وكله فـّي وكله مي
كله خضره واطمئنان
وبجنبو إلنا بياره
فيها الحامض والحليان
وبالبياره بير كبير
حفره أبوكم للعطشان
وقبالوا شارع طويل
بينزل دغري على بيسان
على طرفه كلو أزهار
ورد وفل واقحوان
وبغربه كان إلنا بيت
وقباله ساحه وميدان
وفي الساحه مربط للخيل
لأبوكم شيخ الفرسان
فيه القهوه وفيه الهيل
فيه حدث يا مكان
كنا نقضي فيه الليل
والقمر فوقنا سهران
منسامر ونقول يا ليل
والدنيا كلها أمان
كنتوا إنتو ولاد صغار
تنزلوا على البستان
تقطعوا من الاثمار
تلعبوا مع الأغصان
مر الزمن يا حبابي
كبر العنب والرمان
لكن الظالم يا ولادي
غادر ما إلو أمان
وهجموا علينا الأعادي
ونزلوا من البدر النسوان
سقط أبوكم يا ولادي
وهو يدافع عن البستان
والي استشهد استشهد
وتصاوبوا كل السكان
اليوم كبرتوا يا ولادي
صرتوا من رجال الشجعان
فلسطين بتستنا
بتستنا كل الفرسان
وبتنادي هي يا ولادي
حرروني من العدوان
إتطوع أحمد وغسان
ولحقوا محمد وعدنان
ونزلوا على فلسطين
حملوا المدفع والقرأن
عند حدود البياره
والقمر يرسل لمعان
واستشهدوا بالغاره
قبل ما يشوفوا البستان
وعلى باب الخيمه وقفت
ام احمد ام الشجعان
قالت يا ربي حمدك
ما غيرك إني حمدان
رايح أبكي ورايح أنوح
لكن ياربي فرحان
|
1
Tags
Você deve fazer o login para adicionar tags.
|
Perfil do Autor
hussien deeb
Esse usuário ainda não escreveu nada em seu perfil na Panorama.
|
Comentários
Rana | Jun 11th, 2008
حكايتك حكايه فلسطينيه ، الكل عارفها كويس ، وهى حكايتنا كلنا
saddam motea | Jun 15th, 2008
حكاية...تأبى النسيان....وصياغة شعرية رائعة
شكر
ابداع اخ حسين Adham Tobail | Jun 19th, 2008
بصراحة عبرات جميلة ومؤثرة ومبدعة ويعطيك الف عافية
دمت لأهلك ولوطنك
تحيات
adham tobail
شكرا لتفاعلكم ، رنا ، صدام ، ادهم hussien deeb | Jun 19th, 2008
فلسطين ارضنا ولن نتنازل عنها
وسنعمل دوما على فضح الاحتلال الاسرائيلى وممارساته الاجرامية حتى خروجه من ارضنا ووطننا الغالى
Você deve ser um membro TakingITGlobal para colocar um comentário. Assine gratuitamente ou login.
|
|
